BE 168 - Disesa Jesus Dosa — Kidung

Informasi Lagu

168

Nomor

Kode

BE 168

Buku

Buku Ende

Metronom

0

Hasesaan Ni Dosa

Dengarkan di YouTube

Cari di YouTube

Syair / Lirik 6 bait

Disesa Jesus dosa ni sude, na olo mangarsakkon Na so umboto dalan be, asa dapotan haluaon Ponjot rohana situtu, dirina ditorui burju Naung binuraan ni si Musa, nasida be do dihilala Di angka i do hata i, disesa Jesus dosa i, disesa Jesus dosa i

RohaNa na tongtong asi, do na mangonjar sian surgo Ibana lao tu tano i, tumopot jolma i naung mago Hinorhon ni dosana i, Ibana do mamorsan i DiriNa i do dipasahat, manaoni uhum ni parjahat Dibaen naung ginararNa i, disesa Jesus dosa i, disesa Jesus dosa i.

Nuaeng tarbaen maporus be, tu Jesus i sude pardosa Disalesehon do sude utangna, na so tartahansa Didabu do dosana i, tu laut na so tardodo i I ma mudarNa i naung durus, baen haluaon na umbulus Di nasa hajolmaon i, disesa Jesus dosa i, disesa Jesus dosa i

Binorhos tu mudarNa i, ditogu siseanNa Tu jolo ni AmaNa i, i do dibaen hapintoranNa. Dung i asi ma roha ni AmaNa di nasida i Dijangkon do tu ingananNa, dilehon do hasonanganNa Dibaen naung hot hataNa i, disesa Jesus dosa i, disesa Jesus dosa i

Antong, hamuna sasude, na mangarsakkon dosamuna Sai boan tihasmuna be, tu Jesus pangondinganmuna Beasa di na dao hamu, so pola mago be hamu? Tongtong naeng dosa baenonmuna, nang pe tarbaen hamu malua? Palias i sai ro ma ne, disesa Jesus dosa i, disesa Jesus dosa i.

O Jesus, taiti hami on, tu Ho na tong marasiroha Ajari hami sai tongtong, mangkagigihon nasa dosa Pangkilalahon jea ni, na mangulahon dosa i Tu hami asa jora hami, huhut papos ma rohanami Mandok mamuji asiMi, disesa Jesus dosa i, disesa Jesus dosa i.

Partitur / Not

Partitur Chord BE 168

Sama Tema Hasesaan Ni Dosa