BE 307 - Mata Ni Ari — Kidung

Informasi Lagu

307

Nomor

Kode

BE 307

Buku

Buku Ende

Metronom

0

Manogot Dohot Bodarina

Dengarkan di YouTube

Cari di YouTube

Syair / Lirik 6 bait

Mata ni ari binsar saonari, lao manondangi, Lao manorangi, mangalaslasi sandok tano on. Dipodomanku na borngin badanku, hehe ma ahu, Nuaeng asa laho, asa huida tiur ari on

Nasa na uli, na pinauli Ni Debatangku Diida matangku, na marmulia do Debatangki Laos na hutanda huhut na huida jambar na uli Ni angka na muli sogot tu lambung ni Tuhanta i.

Sai taendehon ma hasangapon Di Debatanta. Jala rohanta sai tapelehon tu Tuhanta i, I ma pelean na tongtong dumenggan Endeendenta do doshon daupa, lomo ni roha ni Tuhanta i.

Borngin, arian do sinarihon ni Debatanta Hasonanganta, pinatupaNa sambing do tongtong Modom pe hita disi do Ibana, hehe dagingta Sogot manogotna, sai disondangi muse hita on.

Las ni rohanta, sian Tuhanta, nang pe arsakta Do tinongosNa, sai na hasea do i sasude Hangoluanta dilehon Tuhanta, asal ditogu do hita tu surgo Ingkon manumpak tusi sasude.

Sai na marujung do haporsuhon dung salpu borngin Dung pur pe angin, sai na sumisi ma ombun sude Las ma rohanta dibahen Tuhanta di hasonangan Di banuaginjang ia dung sahat tusi hita be.

Partitur / Not

Partitur Chord BE 307

Sama Tema Manogot Dohot Bodarina