Diholong Rohana

Diholong ni rohaNa, sonang do tondingki, Maporus nasa biar, arsak nang holsongki, Nang ro pe haba-haba, palomos rohangki, Pangaramotion Na paposhon rohangki.

Tudia au diboan, ndang na sumurut au, Ibana do parmahan, birubiruNa au, Diholong ni rohaNa disarihon do au, Tu bagasan tanganNa ma hupasahat au.

Tu jumpalan na lomak, tu aek na tio i, Tusi do au diboan pabosur tondingki, Ndang na tartimbang iba denggan basaNa i, Haposan do holongNa ndang olo muba i.