BE 79 - Di Na Ponjot Rohangku — Kidung

Informasi Lagu

79

Nomor

Kode

BE 79

Buku

Buku Ende

Metronom

0

Sitaonon Dohot Hamamate ni Tuhan Jesus

Dengarkan di YouTube

Cari di YouTube

Syair / Lirik 8 bait

Di na ponjot rohangku, binaen ni dosangki Paingot au Tuhanku, di hamamateMi Di hau na pinarsilang i, digarar Ho utangku, marhite mudarMi.

Tama longang rohangku, mamingkir hata on. PanghophopMi Tuhanku, di au pardosa on. Ai hosa ni AnakNa i, dilehon Debatangku, tumobus tondingki.

Tung aha panginona ni dosangki di au? Ai asi ni rohaNa do paluahon au Dibaen naung mate Jesuski ndang be habiaranku banua toru i

Antong sai pujionku do Ho o Jesuski Marningot na tinaonMu do hamamateMi Marningot angguhanggukMi ro di sude na bernit na tinaonMi disi

Laos i ma pajujuhon, rohangku sai tongtong Manggotap hajahaton, sian rohangkinon Unang huhalupahon be halojaonMu Tuhan nang tung satongkin pe.

Urupi au o Tuhan, tumaon di tano on Saluhut parsorion na songgop tu au on Ho ma hutiru sai tongtong manaoni na so uhum na di portibi on.

Sai naeng ma tiruonku, pambaenanMi di au Tu sasude donganku, Jesus urupi au Manghaholongi donganki, unang tung marpambuat nang marpangansi pe

Sai sonang ma rohangku, binaen ni bugangMi Di na lao tos hosangku, marningot mudarMi Pos ma rohangku baenon ni, pamasuhonMu ahu, marnida bohiMi.

Partitur / Not

Partitur Chord BE 79

Sama Tema Sitaonon Dohot Hamamate ni Tuhan Jesus