Famakao Ba Fa’amate

1. Famakao ba fa’amate, yawa ba dõla rõfa, Awõ ndro-Nia saduwa ba hili gologata. Oi sa khõgu manadrõsa, nitaõgõ Yesu So’aya. U’andrõ saohagõlõ, ngawalõ zi no Itaõgõ. 2. Ha bõrõ wayawasagu, no tefakao’õ Yesu. He ta’unõwa dõdõgu, fao wa lõ fa’ohahau. Fehehdegu si lõ faudu, zi sagõtõ fa’aurigu. Ha sambalõ manõ khõ-U, tefalu’igõ fefu. 3. Asese ufakao niha, ufõkhõi u’o’aya. Ba Yesu nibõzi bawa, si lõ horõ lõ sala. He famõbõ fao famõzi, oi ya’odo manõ mbõrõ. Fefu zokho-Mõ andrõ, khõgu tetandrõsaigõ. 4. Laherai latandrawaisi, Ndra’ugõ ba rõfa-Mõ. He no Ono Lowalangi, si lõ sala lõ horõ. Ba tobali biri-biri, sumange fameta horõ. Olalõwagu mbõrõ, wa’õlu’i zafõkhõ. 5. Na’u’angeragõ tõdõ, ngawalõ nitaõgõ-Mõ. I’otarai Gezemane, numalõ ba rõfa-Mõ. Oi fa’omasi-Mõ mbõrõ, lõ zi lõ ufaduhu’õ. Wasawatõ Ndra’ugo, si lõ tebulõ-bulõ. 6. Da’u’andrõ saohagõlõ, wa’ebua dõdõ-Mõ. Fa’aurigu, fao halõwõ, ululu sumange-Mõ. Lõ sa’ae ufatõrõdo, me kubalogu Ndra’ugõ. Ya’ugõ zamatõrõ, ya’o ero ma’õkhõ. FEMAOSO YESU (107-114)