Fõnau He Yesu Soga

1. Fõnau he Yesu soga,wanema aurifama. Ba tandrõsaigõ khõma,li Mõ fangorifima. 2. Ha ba li Mõ dõhõga, ha bali-Mõ auriga. Me fangoroma zala, ba wandõndra fangefa. 3. Fefu wa’elunguma, he gõi falimosama. Ha bandro-Mõ aheta, na mangesa dõdõma. 4. No fangoroma lala, li Mõ niwa’õu khõ-Ma. Afu lõ te’alaga, ena’õ so wemõna. 5. Ya’ugõ sawatõma, rõfau ni tõngõnima. Ba wangosisi lala, saekhu ba zi so ama. 6. Bõi ya mamalõ-malõ, be wondrara dõdõma. Ba ngawalõ zafõkhõ, ba lala wekolima. 7. Be wa’owõlõ’õlõ, awõ wa’anau gõlõ. Afu tola mo’õlõ, wolo’õ somasi’õ. 8. Ba fehulu dõdõma, wogamõ sawatõma. Be’e khõma Geheha, sanuturu lalama. 9. Li-Mõ si no õwa’õ, ba lõ tebulõ-bulõ. Wa dozi sanau õlõ,te’orifi ba dõi-Mõ. 10. Andrõ ha khõ-U malulu, wa’aurima he Yesu. Ma be’e sumange-U, irugi zi lõ aetu.