U’ila Wa No Fa’omasi

1. U’ila wa no fa’omasi, zi falukhado khõu Yesu. He wa’ae tenga sinangea, na dali gamuatagu. Me no aefado ba wõnu, andrõ mangaluludo khõu. Moroi sibai ba dõdõgu. 2. Ya’odo niha si lõ sõkhi, ba no omasi’õ Yesu. Horõgu fefu õbe aefa, õbohounido eheha-U. Bõrõ wemõna-Mõ Yesu, zanga’aro’õ tõdõgu. Ba wogomõ sawatõgu. 3. Mo’õmõdo ba wama’ema, uturiaigõ ba niha. Fefu zifalukha ndra’odo, nitemagu khõ Zo’aya. He ama abõlõ’õ na, tolodo ba wangombakha. Turia rõfa Zo’aya. 4. Tebai manõ sa olifudo, wa’ebua-dõdõ nama. Ba zi sandrohu fa’aurigu, fa’omasi-U no utema. He tosasa, he numana, he gõna fa’ate’ala. Lõ ubõhõli Zo’aya. 5. Ba matõtõna khõ-U he ama, wa õrorogõ ndra’aga. Bõrõ nono-U Yesu Keriso, si no fondrege zalawa. Taromali-U gaurifama, si lõ tebulõ he ara. Irugi ba gamozua.