No We’e-We’e Dõdõda

1. No we’e-we’e dõdõda, Lowalangi Yehowa. Ba sangefa’õ ya’ita, ba zifa’udu khõda. Ududa zatana, samaelungu niha, safõkhõ tõdõna, umbu watiusa, sangalani ya’ita. 2. Tebai talawa nududa, na ba wa’abõlõda. Hiza zimõi salahida, nifatenge Yehowa. Tõngõni Dõi Nia, keriso So’aya, sanõhõli niha, sanolo ya’ita, same khõda femõna. 3. He no onekhe zatana, wamaelungu ya’ita. Mongawalõ lala nia, wangasogõ fangala. Bõi ata’u ita, so Yesu nawõda, Ibe wangõnada, taromali-Nia, fangalani zatana. 4. He ahori zi so khõda, he falukha gakaola. Bõi awuwu wamatida, me so dõtõnafõda. Keriso So’aya, gumbu wa’aurida, sagõtõ fa’ara, lõ sa farõi Ia, ya’ahono dõdõda.