He Yesu Sahakhõ Tõdõ

1. He Yesu sahakhõ tõdõ, sondrorogõ ya’aga. Sarawongi wemõrõma, no ohahau dõdõma. Omuso sibai dõdõma, me no marugi haga. No õsusugi ndra’aga, moroi ba wemõrõma. 2. Da matou’õ zui ndra’aga, ba danga-Mõ So’aya. Wanõrõ lala wekoli, ba zima’õkhõ da’a. Me no oya zangalani, sondrõnisi tõdõma. Ba lakhõmi gulidanõ, samakiko ya’aga. 3. He ama Lowalangima, mahalõ halõwõma. Bõi bõhõli ae ndra’aga, eheha-U be’e khõma. Be’e wa’atua-tua, wanga’i halõwõma. Ena’õ molua-lua, famolakhõmi nama. 4. Ma’andrõ be’e geheha, sanuturu lalama. Wamalua somasi’õ, ba wangai halõwõma. Be mofozu ba mo’õlõ, be sõkhi lua-lua. Fefu ngawalõ halõwõ, si no Õbe’e khõma.