No Owulo Zui Ndra’aga

1. No owulo zui ndra’aga, Lowalangima sokhõ Ma suno-suno Ndra’ugõ, si lõ mamalõ-malõ No õbe khõma wa’omasi-Mõ, No tola mataõgõ wa abu dõdõ 2. Mangandrõga khõ-U, So’aya, tolo ba rorogõga Ba ginõtõ mifõnama, bõi manõ farõi khõma Be’e ba dõdõma haga Geheha, Sanuturu lala somasi nama 3. Ya aboto ba dõdõma, wa sikoli ndra’aga. Fe’aso ba gulidanõ, tenga so’ahonoa. Aro’õ dõdõma Lowalangima, wolo’õ, Ya’ugõ gõtõ wa’ara. 4. Ma’andrõ fahaõ ndra’aga, bawangerai bongima. Ba amualagõ khõma, dõdõ satua-tua. Be anau’õ gõlõma ba wasõndrata, Fa tola makhamõ zo’ahonoa. FA’AURI SI LÕ AETU 421-439