Tasuno-Suno Zo’aya

1. Tasuno-suno Zo’aya, si no manolo ya’ita. Ha fa’ahakhõ dõdõ-Nia, wa no owulo zui ita. 2. Ta’osara’õ dõdõda, ba wangandrõ saohagõlõ. Fefu mbuala nitemada, nibe Zo’aya ma’õkhõ. 3. Da tahaogõ dõdõda, tafondrondrongo li Nia. Da’õ zi mõi fangabõlõda,wanara lahe Zo’aya. 4. Fahowu’õga he So’aya, tangau balugõ ndra’aga. Fabõi ahatõ zama’ala, ba sanandraigõ ya’aga. 5. Rorogõ na mbanua-Mõ, si no õhõli ba ndro-Mõ. Ena’õ oi dozi latema, wa’auri si lõ tebulõ. 6. Dozigõ ndra enoni-Mõ, be’e wa’owõlõ’õlõ. Afu la’oigõ wa’abõlõ, ba wanga’i halõwõ-Mõ.