No Owuloga Fõnau So’aya

1. No owuloga fõnau So’aya, mangalulu ndra’aga. No fao’õ khõma, Õrorogõga ma’khõ da’a. Omuso dõdõma watolosa-Mõ, ma’andrõ saohagõlõ. 2. Ba zi ma’õkhõ nitalu’ima, oya golalõwama. Ba wehedema, ba gamuata he era’era. Ma’andrõ So’aya, be aefa khõma fefu horõ nilauma. 3. Da matou’õga ba dangau ama, me simõrõ ndra’aga. Fahowu’õga ba rorogõga, timba wangala. Lumõ’õ ndra’aga tangau So’aya, sagõtõ fa’ara. 4. Da mangandrõga khõu he So’aya, tolo dalifusõma. Sangarõ-ngarõ ba sabu-tõdõ ba sitosasa. Hagaini dõdõra, tuturu lalara fa’abõlõ geheha. 5. Ma’andrõ khõmõ Yesu So’aya, ohahau’õ dõdõma. Lõ tõtõnafõ, lõ lemba-lemba saro dõdõma. Susugi ndra’aga ba wemõrõma mahemolu mbanua.